கடிதம் ஊடாக தன்மீதான குற்றச்சாட்டுக்கு விளக்கமளித்துள்ள அமைச்சர்

கட்சியின் விதிகளை மீறிய குற்றச்சாட்டு முன்வைக்கப்பட்டுள்ள அமைச்சரவை அந்தஸ்தில்லாத அமைச்சர் அஜித் பீ.பெரேரா, ஐக்கிய தேசியக் கட்சியின் தலைமையகத்துக்கு கடிதம் ஊடாக விளக்கம் அளித்துள்ளார்.

இன்று (09) காலை கட்சியின் தலைமையகத்துக்கு குறித்த கடிதம் அனுப்பி வைக்கப்பட்டதாக தகவல் வெளியாகியுள்ளது.

இதேவேளை, கட்சியின் ஒழுக்கம் மற்றும் சட்டங்களை மீறியதாக அமைச்சரவை அந்தஸ்தற்ற அமைச்சர் சுஜிவ சேனசிங்க மீதும் குற்றச்சாட்டு முன்வைக்கப்பட்டது.

எனினும், தன்மீதான குற்றச்சாட்டு தொடர்பில் அவர் இதுவரை விளக்கமளிக்கவில்லை.