’கட்டியெழுப்ப முடியாத அளவுக்கு பிளவு’

மீண்டும் கட்டியெழுப்ப முடியாத அளவுக்கு ஐக்கிய தேசியக் கட்சி பிளவை சந்தித்துள்ளதாக ஐக்கிய மக்கள் சுதந்திரக் கூட்டமைப்பின் நாடாளுமன்ற உறுப்பினர் எஸ்.பி.திசாநாயக்க தெரிவித்துள்ளார்.

அத்துடன், தேர்தல் இலட்சினை தொடர்பான விடயத்​தை அடிப்படையாகக் கொண்டு ஸ்ரீ லங்கா பொதுஜன பெரமுனவுடன் கூட்டணி அமைப்பதனை ஸ்ரீ லங்கா  சுதந்திரக் கட்சி நிராகரிக்குமாக  இருந்தால்,  அக்கட்சியின் அடிப்படை மட்டத்தில் உள்ளவர்கள் சுயாதீனமான முறையில் தாமாக முன்வந்து  மொட்டு கட்சியில் இணைந்துகொள்வார்கள் என்றும், அவர் கூறியுள்ளார்.