கர்ப்பிணி மீது துப்பாக்கிச்சூடு நடத்திய சந்தேகநபர் சிக்கினார்

வெலிக்கடை சிறைச்சாலை வளாகத்தில் வைத்து, கர்ப்பிணியொருவர் மீது துப்பாக்கிப் பிரயோகத்தை மேற்கொண்ட சந்தேகநபர், கொழும்பு குற்றப்புலனாய்வுப் பிரிவினரால் திங்கட்;கிழமை (08) இரவு கைது செய்யப்பட்டுள்ளார்.

கைக்குண்டொன்றைத் தன்வசம் வைத்திருந்தார் என்ற குற்றச்சாட்டின் பேரிலேயே மேற்படி நபர், ஆரம்பத்தில் கைது செய்யப்பட்டிருந்தார். அவரிடம் தொடர்ந்து மேற்கொள்ளப்பட்ட விசாரணைகளின் போதே, மேற்படி கர்ப்பிணியின் மீது மேற்கொள்ளப்பட்ட துப்பாக்கிப் பிரயோகத்தில் அவர் தொடர்புபட்டுள்ளார் என்பது தெரியவந்துள்ளத.

26 வயதுடைய மேற்படி சந்தேகநபரிடமிருந்து, ஐந்து அலைபேசிகளும் கைப்பற்றப்பட்டுள்ளன என்று கூறிய பொலிஸார், அவரிடம் தொடர்ந்து விசாரணை நடத்தி வருவதாகக் கூறினர்.