கழிவுப் பொருட்களை எடுத்து செல்வதற்கான தடை உத்தரவு நீடிப்பு

கொழும்பு துறைமுகம், கட்டுநாயக்க முதலீட்டு வலயத்திலுள்ள கழிவுப் பொருள் கொள்கலன்கள், வேறு இடத்துக்குக் கொண்டு செல்லப்படுவதை தடுத்து விதிக்கப்பட்ட இடைக்கால உத்தரவு அடுத்த மாதம் 21ஆம் திகதி வரையில் மீண்டும் நீடிக்கப்பட்டுள்ளது.

மேல் முறையீட்டு நீதிமன்றம் இந்த உத்தரவை வழங்கியுள்ளது. இந்த அனைத்து கொள்கலன்களிலும் கழிவுப்பொருள் மாதிரிகளை பெற்றுக் கொண்டு பரிசோதனையை மேற்கொண்டு அறிக்கையை சமர்ப்பிக்குமாறு மேல் முறையீட்டு நிதிமன்றம் அரச இரசாயன பரிசோதகருக்கு உத்தரவு பிறப்பித்துள்ளார்.