காயமடைந்த ஓ.ஐ.சியை காணச்சென்ற அமைச்சர்

சத்திரசிகிச்சைக்கு உட்படுத்தப்பட்டு தலவத்துகொடையிலுள்ள தனியார் வைத்தியசாலையில் அனுமதிக்கப்பட்டுள்ள, மஹரகம பொலிஸ் நிலையத்தின் பொறுப்பதிகாரி, பிரதான பொலிஸ் பரிசோதகர் எச்.எச். ஜனகாந்தவை பொதுப் பாதுகாப்பு அமைச்சர் சரத் வீரசேகர பார்வையிட்டார். 

கொத்தலாவல பாதுகாப்பு பல்கலைக்கழக சட்டமூலத்துக்கு எதிராக நேற்று ஆர்ப்பாட்டத்தில் ஈடுபட்ட பல்கலைக்கழக மாணவர் ஒன்றியத்தினர் பாராளுமன்ற நுழைவு வீதிக்குள் நுழைய முற்பட்டனர்.

ஆர்ப்பாட்டக்காரர்கள், வீதி தடுப்பைத் தூக்கி எறிந்தபோது, அதனை தடுக்க முயற்சித்த போதே பொலிஸ் அதிகாரி காயமடைந்திருந்தார்.

குறித்த பொலிஸ் அதிகாரியின் இரண்டு விரல்களில் காயம் ஏற்பட்டிருந்ததுடன், அதற்காக, மூன்று மணி நேர சத்திர சிகிச்சை செய்யப்பட்டடிருந்தது.

இந்தநிலையிலேயே அவரைப் பார்வையிடச் சென்றதுடன், அங்கு சுமார் 10 நிமிடங்கள் தங்கியிருந்த அமைச்சர , ஓ.ஐ.சி விரைவாக குணமடைவதற்காக பிரார்த்தித்துச்  சென்றார்.