‘கொடுப்பனவு வழங்கப்படவில்லை’

கடந்தாண்டு சாதாரணத் தர பரீட்சை கடமைகளில் ஈடுபட்ட ஆசிரியர்கள், அதிபர்களின் போக்குவரத்து கொடுப்பனவை வழங்குவதற்கு, பரீட்சைகள் திணைக்களம் இதுவரை முன்வரவில்லை என இலங்கை ஆசிரியர் சங்கம் தெரிவித்துள்ளது.

சாதாரணத் தர பரீட்சைகள் நிறைவடைந்து 7 மாதங்கள் நிறைவடைந்துள்ள நிலையில், கொடுப்பனவுகள் வழங்கப்படவில்லை என்றும் இலங்கை ஆசிரியர் சங்கத்தின் பிரதான செயலாளர் ஜோசப் ஸ்டாலின் தெரிவத்துள்ளார்.