கொரோனா தொற்று எண்ணிக்கை 97ஆக அதிகரிப்பு

நாட்டில் கொரோனா தொற்றுக்குள்ளானோரின் எண்ணிக்கை 97 ஆக அதிகரித்துள்ளது.

இதேவேளை, 227 பேர் மருத்துவ கண்காணிப்பிலுள்ளதாக சுகாதார அமைச்சர் பவித்திரா வன்னியாராச்சி தெரிவித்துள்ளார்.

கொரோனா தொற்றுக்குள்ளானவர்களில் இருவர் அதிதீவிர சிகிச்சை பிரிவுக்கு மாற்றப்பட்டுள்ளனர்.

இவர்கள் இருவரும் அங்கொடை தொற்றுநோயியல் பிரிவில் அனுமதிக்கப்பட்டுள்ளனர்.

அத்துடன், நாடு முழுவதிலும் உள்ள 45 தனிமைப்படுத்தி கண்காணிக்கும் நிலையங்களில் 3,506 பேர் தங்கவைக்கப்பட்டு கண்காணிக்கப்பட்டு வருவதாக இலங்கை இராணுவம் தெரிவித்துள்ளது.