கோதுமை மாவின் விலையை குறைக்காதிருக்க தீர்மானம்

அதிகரிக்கப்பட்ட கோதுமை மாவின் விலையை மீண்டும் குறைக்க முடியாது என, பிறீமா நிறுவனம் அறிவித்துள்ளதாக தெரிவிக்கப்படுகின்றது.

உலக சந்தையில் கோதுமை மாவின் விலை அதிகரிப்பு மற்றும் இறக்குமதி வரிகளைக் கருத்தில் கொண்டு இந்த விலை அதிகரிப்பு மேற்கொள்ளப்பட்டுள்ளதாக, குறித்த நிறுவனம்  அறிவித்துள்ளதாக விநியோகஸ்தர்கள் கூறியுள்ளனர்.

புதிய விலைக்கு அமையவே, பிறீமா நிறுவனத்தால் கோதுமை மா விநியோகிக்கப்பட்டுள்ளதாக தெரிவிக்கப்படுகின்றது.

 புதிய விலைக்கு அமைய, கோதுமை மா கிலோகிராம் ஒன்று 90 ரூபாய் முதல் 100 ரூபாய் வரையில் பல்வேறு விலை மட்டங்களில் சந்தையில் விற்பனை செய்யப்படுகின்றமை குறிப்பிடத்தக்கது.