சுரங்க மாளிகை எனக்கானது அல்ல: மஹிந்த

கொழும்பு கோட்டையிலுள்ள ஜனாதிபதி மாளிகைக்கு கீழே அமைக்கப்பட்டுள்ள நிலக்கீழ் சுரங்க மாளிகை தொடர்பிலான படங்கள், சமூக வலைத்தளங்கள் மற்றும் செய்தி தளங்களில் வெளியாகியுள்ளன.

இந்நிலையிலேயே, இது தொடர்பில் அவர் மேற்கண்டவாறு தெரிவித்துள்ளார்.  

கொழும்பு கோட்டையிலுள்ள ஜனாதிபதி மாளிகையில் அமைக்கப்பட்ட இரகசிய நிலக்கட்டடமானது தனக்காக அமைக்கப்பட்டதில்லை. இது ஜனாதிபதி உள்ளிட்ட அரசாங்க முக்கியஸ்தர்களின் பாதுகாப்புக்காக அமைக்கப்பட்டதாகும் என்றார்.

மேலும், யுத்தத்த காலத்தில், பாதுகாப்புக் குழு கூட்டத்தையும் இந்த நிலக் கீழ் கட்டடத்திலேயே நடத்தியதாகவும் அவர் தெரிவித்தார்.  

புலிகளிடம், வான் வழியாக தாக்குதல் நடத்தும் விமானங்கள் இருந்தன, கப்பல்கள் இருந்தன, அவற்றிலிருந்து அச்சுறுத்தல்கள் இருந்தன. அவற்றுக்கெல்லாம் முகங்கொடுக்கும் வகையிலேயே இந்த பாதுகாப்பு அரண் அமைக்கப்பட்டது என்றும் அவர் தெரிவித்தார்.