சட்டவிரோதமாக கொண்டுவரப்பட்ட சிகரட்டுகளுடன் இருவர் கைது

கபில

டுபாயிலிருந்து சட்டவிரோதமாக ஒரு தொகை சிகரட்டுகளுடன் இலங்கையை வந்தடைந்த இருவரை, கட்டுநாயக்க விமான நிலைய சுங்கப்பிரிவினர் இன்று (19) காலை கைது செய்துள்ளனர்.

சிலாபத்தைச் சேர்ந்த 49 வயதுடைய ஒருவரும், குளியாப்பிட்டியைச் சேர்ந்த 32 வயதுடைய மற்றுமொரு நபருமாக குறித்த இருவருமே இவ்வாறு கைது செய்யப்பட்டுள்ளனர்.

குறித்த நபர்களிடமிருந்து மீட்கப்பட்ட சிகரட்டுகளின் பெறுமதி 27 இலட்சத்து 30 ஆயிரம் ரூபாயெனவும் தெரிவிக்கப்பட்டுள்ளது.