சூதாட்ட நிலையம் சுற்றிவளைப்பு; பொலிஸார் மீது தாக்குதல்

களுத்துறை போம்புவல பகுதியில் சூதாட்ட நிலையமொன்றை சுற்றிவளைக்கச் சென்ற பொலிஸ் உத்தியோகத்தர்கள் மீது, அங்கிருந்த குழுவினர் தாக்குதல் மேற்கொண்டுள்ளனர்.

அதன்போது, பொலிஸ் உத்தியோகத்தர்கள் இருவர் காயமடைந்துள்ளதாக தெரிவிக்கப்படுகின்றது.

பொலிஸ் உத்தியோகத்தர்கள் மீது தாக்குதல் நடத்திய சந்தேக நபர் ஒருவர் கைதுசெய்யப்பட்டுள்ளதுடன், மற்றுமொருவர் தப்பிச்சென்றுள்ளதாக கூறப்படுகின்றது.

சம்பவம் தொடர்பில் களுத்துறை பொலிஸார் விசாரணைகளை முன்னெடுத்து வருகின்றனர்.