தகவல் தரவும்...

கீழே உள்ள படத்தில் இருப்பவர், பொலிஸாரினால் தேடப்படும் சந்தேகநபர்களில் ஒருவராவார். அவர் தொடர்பிலான தகவல்களை தருமாறு பொதுமக்களிடம் பொலிஸார், கோரியுள்ளனர்.

இவர், வத்தேகம பொலிஸ் பிரிவுக்குட்பட்ட பல்லேதலவின்ன பிரதேசத்தில் பகல் வேளையில் வீட்டை உடைத்து 40 ஆயிரம் பணத்தை கொள்ளையிட்டமை மற்றும் சொத்துக்களை சூறையாடியமை மற்றும் தன்னியக்க அட்டையை (ஏ.டி.எம் காட்) பயன்படுத்தி 2 இலட்சம் ரூபாவை வங்கியின் தன்னியக்க இயந்திரத்திலிருந்து எடுத்தமை ஆகிய குற்றச்சாட்டுகள் தொடர்பில் பொலிஸ் நிலையத்தில் செய்யப்பட்ட முறைப்பாடுகளுக்கு அமைய தேடப்படுகின்ற சந்தேகநபராவார்.

இவர், கொத்மலை- தவலந்தென்ன பிரதேசத்தில், தன்னியக்க அட்டையை பயன்படுத்தி பணத்தை எடுத்தமை மற்றும் வர்த்தக நிலையங்களுக்குச் சென்று பல்வேறான பொருட்களை கொள்வனவுச் செய்தமை தொடர்பில் சிசிடிவி கெமராக்களின் பதிவாகியுள்ள புகைப்படம் மற்றும் வீடியோகள் கிடைத்துள்ளன.

அவற்றை அடிப்படையாக வைத்து பார்க்கின்ற போது, சந்தேகநபரை கைதுசெய்வதற்கு உரிய விலாசம் கிடைக்கவில்லை என்பதுடன் அவரை இனங்கண்டு கொள்வதற்கான சாட்சியங்கள் இதுவரையிலும் கிடைக்கவில்லை.

எனவே, இந்த புகைப்படத்தில் இருப்பவர் தொடர்பில் தகவல்கள் கிடைத்தால், வத்தேகம பொலிஸ் நிலையத்தின் தொலைபேசி இலக்கங்களான 081-2476222, 081-2476328 என்பவற்றுடன் தொடர்பு கொண்டு அறிவிக்குமாறு பொலிஸ் தலைமையகம், பொதுமக்களிடம் கோரியுள்ளது.