தனமல்வில துப்பாக்கிச் சூடு: மூவர் கைது

தனமல்வில பகுதியில் இடம்பெற்ற துப்பாக்கிச் சூட்டு சம்பவத்துடன் தொடர்புடையவர்கள் என்ற சந்தேகத்தின் பேரில், மூன்று சந்தேக நபர்கள் கைது செய்யப்பட்டுள்ளனர்.

இரண்டு மோட்டார் சைக்கிளில் வந்த நான்கு நபர்களால், கடந்த 10ஆம் திகதி, தனமல்வில பகுதியில் நடத்தப்பட்ட துப்பாக்கி சூட்டில் ஒருவர் உயிரிழந்தார். 

இந்நிலையில், இது தொடர்புடைய விசாரணைகளை, பொலிஸார் மேற்கொண்டு வந்த நிலையிலேயே, சம்பவத்தில் பயன்படுத்தப்பட்ட மூன்று துப்பாக்கிகள், இரண்டு மோட்டார் சைக்கிள்களுடன் சந்தேகநபர்கள் கைதாகியுள்ளனர். 

கைது செய்யப்பட்டவர்களில் தனமல்வில பிரதேசத்தைச் ​சேர்ந்த 28, 25 வயதுடைய சகோதரர்கள் இருவரும், 27 வயதுடைய மற்றொரு நபரும் இவ்வாறு கைது செய்யப்பட்டுள்ளனர்.