துப்பாக்கி ரவைகளுடன் குடும்பஸ்தர் கைது

-சண்முகம் தவசீலன்

ஒட்டுசுட்டான் – ஒதியமலைப் பகுதியில், நேற்று, சிறப்பு அதிரடிப் படையினரால் இருவர் கைது செய்யப்பட்டுள்ளார்கள்.

ஒதியமலைப் பகுதியில் வசித்துவரும் குடும்பஸ்தர் ஒருவரின் வீட்டுக்கு பின்னால் உள்ள காட்டுப்பகுதியில் பை ஒன்றினுள் கட்டப்பட்டு போடப்பட்ட 581 ஏ.கே ரக துப்பாக்கி ரவைகளை மீட்ட சிறப்பு அதிரடிப்படையினர் அந்த வீட்டின் உரிமையாளரான குடும்பஸ்தரை கைதுசெய்துள்ளார்கள்.

இதேவேளை, அதே பகுதியில், 15 கிராம் கஞ்சாவுடன் ஒருவர் கைதுசெய்யப்பட்டார்.

இவர்கள் இருவரையும், ஒட்டுசுட்டான் பொலிஸ் நிலையத்தில் ஒப்படைத்துள்ளதாக சிறப்பு அதிரடிப்படையினர் தெரிவித்துள்ளனர்.