துறைமுகங்களின் பாதுகாப்பை உறுதிப்படுத்த நடவடிக்கை

நாட்டில் தற்போது நிலவும் சூழ்நிலையைக்  கருத்திற்கொண்டு, பாதுகாப்புப் பிரிவினருக்கு ஒத்துழைப்பு வழங்கும் நோக்கில், சகல மீன்பிடித் துறைமுகங்களின் பாதுகாப்பை உச்ச அளவில் உறுதிப்படுத்த  நடவடிக்கை எடுக்குமாறு,  கடற்றொழில் மற்றும் நீரியல் வளத்துறை அபிவிருத்தி  இராஜாங்க அமைச்சர் திலிப் வெத ஆரச்சி,  மீன்பிடித்துறைமுகக்  கூட்டுத்தாபனம் மற்றும் அவற்றுக்குப் பொறுப்பான அதிகாரிகளுக்கு உத்தரவிட்டுள்ளார். 

 பாதுகாப்பு நடவடிக்கைகள் தொடர்பில், இலங்கைக்  கடற்படையினர் மற்றும் பொலிஸ் உள்ளிட்ட பாதுகாப்புப் பிரிவுடன் வலுவான தொடர்பை ஏற்படுத்தி செயற்படுமாறும் அவர் அறிவுறுத்தியுள்ளார்.