தேசிய பட்டியல் உறுப்பினரானார் சாந்த

ஐக்கிய மக்கள் சுதந்திரக் கூட்டமைப்பின் தேசியப் பட்டியல் நாடாளுமன்ற உறுப்பினர் பதவிக்கு சாந்த பண்டார நியமிக்கப்பட்டுள்ளதாக வர்த்தமானி அறிவித்தல் வௌியாகியுள்ளது.

தேசிய பட்டியல் உறுப்பினர் பதவிக்கு சாந்த பண்டாரவின் பெயரை ஐக்கிய மக்கள் சுதந்திரக் கூட்டமைப்பின் பொதுச்செயலாளர் மஹிந்த அமரவீர, கடந்த வாரம் தேர்தல்கள் ஆணைக்குழுவுக்கு பரிந்துரைத்திருந்தார்.

முன்னதாக, ஐக்கிய மக்கள் சுதந்திரக் கூட்டமைப்பின் தேசியப் பட்டியல் நாடாளுமன்ற உறுப்பினராக செயற்பட்ட சாந்த பண்டார இராஜினாமா செய்திருந்தார்.

முன்னாள் அமைச்சரும்- ஐக்கிய மக்கள் சுதந்திர முன்னணியின் குருநாகல மாவட்ட நாடாளுமன்ற உறுப்பினருமான சாலிந்த திசநாயக்க உயிரிழந்ததை அடுத்து, வெற்றிடமாகிய அவரது நாடாளுமன்ற உறுப்பினர் ஆசனத்துக்கு, தெரிவாகும் நோக்கில் அவர் தேசியப் பட்டியல் நாடாளுமன்ற உறுப்பினர் பதவியை இராஜினாமா செய்திருந்தார்.

எனினும், குறித்த வெற்றிடத்துக்கு எச்.எம்.டி.பி. ஹேரத் நியமிக்கப்பட்டுள்ளதுடன், அது தொடர்பான வர்த்தமானி வெளியாகியமை குறிப்பிடத்தக்கது.