நிஸங்க சேனாதிபதியை விளக்கமறியலில் வைக்குமாறு உத்தரவு

எவன்கார்ட் நிறுவனத்தின் தலைவர் நிஸங்க சேனாதிபதியை எதிர்வரும் மாதம் 8ஆம் திகதிவரை விளக்கமறியலில் வைக்குமாறு கொழும்பு மேல் நிதிமன்றம் உத்தரவிட்டுள்ளது.

கட்டுநாயக்க பண்டாரநாயக்க விமான நிலையத்தில் வைத்து இன்று (17) காலை கைதுசெய்யப்பட்ட அவர் நீதிமன்றில் முன்னிலைப்படுத்தப்பட்ட நிலையில், இந்த உத்தரவு பிறப்பிக்கப்பட்டுள்ளது.

சிங்கப்பூரில் இருந்து இலங்கைக்கு வந்த நிலையில், குற்றப் புலனாய்வு பிரிவினரால் அவர் கைது செய்யப்பட்டமை குறிப்பிடத்தக்கது.