நீர்கொழும்பில் தொற்றாளர்களின் எண்ணிக்கை அதிகரிப்பு

நீர்கொழும்பு நகரில் கொரோனா வைரஸ் தொற்றாளர்களின் எண்ணிக்கை 134ஆக அதிகரித்துள்ளது.

நேற்று (3) வெளியிடப்பட்ட  பிசிஆர்  பரிசோதனை  முடிவுகளின்படி மேலும் 26 பேருக்கு கொரோனா வைரஸ் தொற்று உறுதியாகியுள்ளது. மேற்படி தொற்றாளர்கள், தலஹேன மற்றும்  கடற்கரைத் தெரு ஆகிய பிரதேசங்களைச் சேர்ந்தவர்களென பொதுச் சுகாதாரப் பரிசோதகர் வசந்த தெரிவித்தார்.

இதேவேளை, கடந்த சனிக்கிழமை நீர்கொழும்பு மீன்பிடி இறங்குமுகத்தில் மேற்கொள்ளப்பட்ட பிசிஆர் பரிசோதனைகளின் முடிவுகள் இன்னும் வெளியாவில்லை என்பது குறிப்பிடத்தக்கது.