பெண் பிரதிநிதிகளின் சவால்களும் எதிர்காலத் திட்டங்களும்

மனித அபிவிருத்திக்கான பங்குபற்றுதல் வழிமுறைகளை மேம்படுத்தும் திட்டத்தின் கீழ், உள்ளூராட்சி மன்றங்களிலுள்ள பெண்களுக்கு விழிப்புணர்வு நிகழ்வுகளையும் திறன்விருத்திப் பயிற்சிகளையும் மட்டக்களப்பு மாவட்டத்தில் ‘காவியா’ சுய அபிவிருத்திப் பெண்கள் நிலையம் முன்னெடுத்து வருகின்றது.

இந்நிகழ்வு, Search for Common Ground (SFCG) அமைப்பின் திட்டத்தின்கீழ், UNDP நிறுவனத்தின் நிதியுதவியுடன் இடம்பெற்று வருகின்றது.

இத்திட்டத்தின் ஒரு பகுதியாக, இன்று (18.05.2026) உதவி உள்ளூராட்சி அலுவலகத்தில் விழிப்புணர்வு நிகழ்வு நடைபெற்றது.

இந்நிகழ்விற்கு உதவி உள்ளூராட்சி ஆணையாளர் எம். ஆர். எப். ரிப்கா தலைமை தாங்கியதுடன், உள்ளூராட்சி மன்றங்களில் காணப்படுகின்ற பிரச்சினைகள் மற்றும் பெண்களின் வகிபாகம் குறித்தும் ஆராயப்பட்டது.

இதில் இருபது உள்ளூராட்சி மன்றப் பெண் பிரதிநிதிகள் பங்குபற்றினர். அவர்கள், தாம் பெண் பிரதிநிதிகளாகச் செயற்படும்போது எதிர்கொள்ளும் சிரமங்கள், அனுபவங்கள் குறித்தும், அவற்றை நிவர்த்தி செய்வதற்குத் தேவையான எதிர்காலச் செயற்பாடுகள் குறித்தும் கலந்தாலோசித்தனர்.

மேலும், இந்நிகழ்வில் பெண்களது பங்களிப்பையும் பாதுகாப்பையும் உறுதிசெய்யும் எதிர்காலத் திட்டங்கள் குறித்தும் கலந்துரையாடப்பட்டது.