பத்திரிகை நிறுவனத்துக்கு டிவி - வானொலி முடியாதா?

தொலைக்காட்சி அலைவரிசை மற்றும் வானொலி என்பவற்றை நடத்திச் செல்லும் நிறுவனத்துக்கு பத்திரிகையையும் நடத்திச் செல்வதற்கு தடை விதிக்க எந்தவொரு சட்டத்தையும் நடைமுறைப்படுத்தும் எண்ணம் இல்லை என அரசாங்கம் தெரிவித்துள்ளது.

'பத்திரிகை நிறுவனத்துக்கு தொலைக்காட்சி அல்லது வானொலியை நடத்திச் செல்ல தடைவிதிக்கும் வகையில் எந்தவொரு நடவடிக்கையும் எடுக்கவில்லை' என ஊடகதுறை பிரதியமைச்சர் கருணாரத்ன பரணவிதாரன தெரிவித்துள்ளார்.

ஊடகங்கள் மீது கட்டுபாடு விதிக்கவுள்ளதாக இவ்வாறாக பொய் பிரசாரங்கள் பரவிவருவதாகவும் அவர் குறிப்பிட்டுள்ளார்.

எவ்வாறாயினும் ஊடக நிறுவனங்கள் மீது கட்டுப்பாடு தொடர்பில் சமூகத்தில் விரிவான எண்ணப்பாடு ஏற்பட்டுள்ளதாக அவர் மேலும் கூறியுள்ளார்.