போலி வைத்தியர் சிக்கினார்

கராப்பிட்டிய போதனா வைத்தியசாலையில் வைத்தியர் போன்று தன்னை அடையாளப்படுத்தி சுற்றித்திரிந்த நபரொருவர், வைத்தியசாலை பொலிஸாரால், நேற்று (09) கைதுசெய்யப்பட்டுள்ளார்.

கைதுசெய்தபோது, குறித்த நபரிடம் தினக்குறிப்பு புத்தகம் ஒன்றும், அலைபேசியும் இருந்ததாக, பொலிஸார் தெரிவித்தனர்.

25 வயதுடைய குறித்த நபர், திக்வெல்ல- பதீகம பிரதேசத்தைச் சேர்ந்தவரென தெரியவந்துள்ளது. கைதுசெய்யப்பட்ட சந்தேகநபர் மேலதிக விசாரணைகளுக்காக, காலி பொலிஸ் நிலையத்தில் ஒப்படைக்கப்பட்டுள்ளார்.

காலி பொலிஸார், சம்பவம் தொடர்பான மேலதிக விசாரணைகளை மேற்கொண்டு வருகின்றனர்.