மின் உபகரணத்தில் கைகுண்டு

-ரொமேஷ் மதுசங்க

வவுனியா தோணிக்கல் லக்ஷபான வீதி பிரதேசத்தில் பழைய இரும்பு பொருட்களை சேகரிக்கும் நிலையத்தில் இருந்து கைகுண்டு, வவுனியா பொலிஸாரால் வெள்ளிக்கிழமை கைப்பற்றப்பட்டுள்ளது.

பழைய பொருட்களை சேகரிக்கும் நபர் சேகரித்த மின்உபகரணமொன்றில் மறைத்து வைக்கப்பட்ட நிலையில் குறித்த கைகுண்டு கண்டுபிடிக்கப்பட்டுள்ளது.

குறித்த கைகுண்டை முதலில் கண்ட கடை உரிமையாளர், பொலிஸாருக்கு அறிவித்துள்ளார். அதனையடுத்து ஸ்தலத்துக்கு விரைந்த பொலிஸார், கைகுண்டை மீட்டு செயலிழக்கச் செய்துள்ளதுடன் விசாரணைகளை முன்னெடுத்துள்ளனர்.