மாலைதீவிற்கு இலவச 90 நாள் On-Arrival சுற்றுலா விசா

சுற்றுலா நோக்கங்களுக்காக மாலத்தீவுக்குச் செல்லும் இலங்கை குடிமக்களுக்கு 90 நாள் இலவச வருகை சுற்றுலா விசா வழங்கப்படும் என்று மாலைதீவு அரசு அறிவித்துள்ளது.

ஜனாதிபதி அனுர குமார திசாநாயக்கவின் மாலைதீவுக்கான அரசுப் பயணத்துடன் இணைந்து இந்த அறிவிப்பு வெளியிடப்பட்டதாக ஜனாதிபதியின் ஊடகப் பிரிவு   தெரிவித்துள்ளது.

இந்த விசா வசதி 2025 ஜூலை 29 ஆம் திகதி முதல் அமலுக்கு வரும், மேலும் விசாவைப் பெற, பயணிகள் செல்லுபடியாகும் கடவுச்சீட்டு மற்றும் மாலைதீவில் தங்கியிருக்கும் போது அவர்களின் செலவுகளை ஈடுகட்ட போதுமான நிதி ஆதாரத்தை வைத்திருக்க வேண்டும்.

இந்த முயற்சி இலங்கைக்கும் மாலைதீவுக்கும் இடையிலான விசா வசதி குறித்த இருதரப்பு ஒப்பந்தத்தின் விதிகளின் கீழ், மாலைதீவின் குடியேற்றச் சட்டங்கள் மற்றும் விதிமுறைகளின்படி வழங்கப்படுகிறது.

இந்த நடவடிக்கை பரஸ்பர ஒத்துழைப்பை மேம்படுத்துவதற்கான அதன் வலுவான அர்ப்பணிப்பைக் காட்டுகிறது என்றும், இலங்கையுடனான அதன் உறவில் அது வைக்கும் முக்கியத்துவத்தை வலுப்படுத்துகிறது என்றும் மாலைதீவு அரசு தெரிவித்துள்ளது.