”மீண்டும் ஒருமுறை கீழிருந்து தொடங்கவுள்ளேன்”

முன்னாள் சபாநாயகர் சமல் ராஜபக்ஷ, ஸ்ரீலங்கா பொதுஜன பெரமுன (SLPP) கட்சியை பிரதிநிதித்துவப்படுத்தி, ஹம்பாந்தோட்டை மாவட்டத்தில் இருந்து உள்ளூராட்சித் தேர்தலில் போட்டியிடப் போவதாக அறிவித்துள்ளார். 

ஊடகங்களுக்கு கருத்து தெரிவித்த சமல் ராஜபக்ஷ, ஸ்ரீலங்கா பொதுஜன பெரமுன கட்சி ஹம்பாந்தோட்டை மாவட்டத்தில் போட்டியிட இளம் வேட்பாளர்களை பெருமளவில் முன்னிறுத்த திட்டமிட்டுள்ளதாகக் கூறினார்.

SLPP வேட்பாளர்களில் பெண்கள் மற்றும் தன்னைப் போன்ற மூத்த நபர்களும் அடங்குவர் என்று அவர் மேலும் கூறினார். 

அரசியலில் ஒருவர் மேலேயோ கீழேயோ இருக்க முடியும் என்று கூறிய சமல் ராஜபக்ஷ, மீண்டும் ஒருமுறை கீழிருந்து தொடங்கப் போவதாகக் கூறினார்.

இருப்பினும், முன்னாள் சபாநாயகர் எந்த உள்ளாட்சி சபைக்கு போட்டியிடப் போகிறார் என்பதை வெளியிடவில்லை.