மேல் மாகாணமே அதிக பங்களிப்பை வழங்குகின்றது

நாட்டின் மொத்த தேசிய உற்பத்திக்கு அதிக பங்களிப்பு செய்யும் மாகாணமாக மேல் மாகாணம் விளங்குவதாக தொகை மதிப்பு மற்றும் புள்ளிவிபரவியல் திணைக்களம் தெரிவித்துள்ளது.

2016- 2017ஆம் ஆண்டுகளில் முன் வைக்கப்பட்டுள்ள புள்ளி விபரங்களுக்கமைய, நாட்டின் மொத்த தேசிய உற்பத்திக்கு மேல் மாகாணத்தில் 37.2,  37.8 சதவீதம் பங்களிப்பு வழங்கப்பட்டுள்ளதாக சுட்டிக்காட்டப்பட்டுள்ளது.

அத்துடன், கடந்தாண்டு மத்திய மாகாணம் 10.7 சதவீதமும், வடமேல் மாகாணம் 10.6 சதவீதமும் பங்களிப்பை வழங்கியுள்ளதாக, தொகை மதிப்பு மற்றும் புள்ளிவிபரவியல் திணைக்களம் தெரிவித்துள்ளது.

இதேவேளை நாட்டின் மொத்த தேசிய உற்பத்திக்கு மிகவும் குறைந்த பங்களிப்பை வழங்கும் மாகாணங்களாக வடக்கு, கிழக்கு, வடமத்திய மாகாணங்கள் விளங்குவதாக தெரிவிக்கப்படுகின்றது.