யானை தாக்கி ஒருவர் பலி

ரஸீன் ரஸ்மின்

ஆனமடுவ- வள்பாளுவ பிரதேசத்தில், காட்டு யானையின் தாக்குதலுக்கு இலக்காகி  ஒருவர் உயிரிழந்துள்ளார்.

இந்த சம்பவம், இன்று (02) அதிகாலை 2 மணியளவில் இடம்பெற்றுள்ளது.

வள்பாளுவ- லீகொலவெவ பகுதியைச் சேர்ந்த, 54  வயதுடைய நபரே இவ்வாறு உயிரிழந்துள்ளார்.

குறித்த நபர், தனது வீட்டுக்கு பின்புறமாக சென்ற போதே, காட்டு யானையின் தாக்குதலுக்கு இலக்காகியுள்ளார்.

யானையின் தாக்குதலில் காயமடைந்த இவர், ஆனமடுவ வைத்தியசாலையில் அனுமதிக்கப்பட்டபோதிலும், சிகிச்சைப் பலனின்றி உயிரிழந்துள்ளார்.