ரங்கே பண்டாரவின் தகவல் குறித்து விசாரணையைக் கோரும் நாமல் ராஜபக்ஸ

நாடாளுமன்ற உறுப்பினர் பாலித ரங்கே பண்டார வெளியிட்டுள்ள தகவல் தொடர்பில் விசாரணைகள் அவசியம் என நாடாளுமன்ற உறுப்பினர் நாமல் ராஜபக்ஸ தெரிவித்துள்ளார்.

தன்னை கட்சி மாறுமாறுக் கோரி, 2.8 டொலர் மில்லியன்  வழங்குவதாக அரசாங்க தரப்பின் நாடாளுமன்ற உறுப்பினரான எஸ். பி. திசாநாயக்க அலைபேசி மூலம் அழைப்ப விடுத்ததாக, முன்னாள் இராஜாங்க அமைச்சர் பாலித ரங்கே பண்டார தெரிவித்துள்ள கருத்தானது மிகவும் பாரதூரமானதெனவும், இது தொடர்பில் தனக்கு எதுவும் தெரியாதென்றும், பாலித ரங்கே பண்டாரவின் கருத்து உண்​மையெனில்,  அது குறித்து விசாரணைகள் முன்னெடுக்கப்படுவது அவசியம் என்றும் நாடாளுமன்ற உறுப்பினர் நாமல் ராஜபக்ஸ தெரிவித்துள்ளார்.

தனது உத்தயோகப்பூர்வ டுவிட்டர் பக்கத்திலேயே நாமல் இந்த கருத்துக்களைப் பதிவிட்டுள்ளார்.