ரஞ்சனின் குரல் பதிவு தொடர்பில் சபாநாயகர் அவதானம்

நாடாளுமன்ற உறுப்பின​ர் ரஞ்சன் ராமநாயக்கவின் தொலைபேசி குரல் பதிவு தொடர்பில் சபாநாயகர் கரு ஜயசூரிய அவதானம் செலுத்தியுள்ளதாகத் தகவல்கள் தெரிவிக்கின்றன.

ரஞ்சன் ராமநாயக்கவிடம் இந்த விடயம் குறித்து சபாநாயகர் கேட்டறிவார் என்றும் நாடாளுமன்றத் தகவல்கள் தெரிவிக்கின்றன.

ரஞ்சன் ராமநாயக்கவின் தொலைபேசி உரையாடல் பதிவு தொடர்பில் நாடாளுமன்றத்தில் அதிகம் விவாதிக்கப்பட்டுள்ளதால், சபாநாயகர் இது தொடர்பில் அவதானம் செலுத்துவார் என தகவல்கள் தெரிவித்துள்ள நிலையில், இந்த விடயம் தொடர்பில் சபாநாயகரிடம் தன்னிடம் விசாரித்தால், அது தொடர்பானத் தகவல்களை முன்வைக்க தயாராகவுள்ளதாக நாடாளுமன்ற உறுப்பினர் தெரிவித்துள்ளமைக் குறிப்பிடத்தக்கது.