ரயிலில் மோதி பெண் பலி

கந்தானை ரயில் நிலையத்துக்கு அருகில் ரயிலில் மோதி பெண் உயிரிழந்துள்ளார்.

ரயில் கடவையில் சென்றபோது, கொழும்பு புறக்கோட்டையிலிருந்து நீர்கொழும்பு நோக்கிச் சென்ற ரயிலில் மோதுண்டுள்ளார்.
 
கந்தானை பிரதேசத்தைச் சேர்ந்த 46 வயது பெண், இந்த விபத்தில் உயிரிழந்துள்ளதுடன் சடலம், ராகம வைத்தியசாலையில் வைக்கப்பட்டுள்ளது.

மரண விசாரணை மற்றும் மேலதிக விசாரணைகள் முன்னெடுக்கப்பட்டுள்ளதாக பொலிஸார் தெரிவிக்கின்றனர்.