ராஜிதவை சிறைச்சாலை வைத்தியசாலைக்கு அழைத்துச் செல்வதில் தாமதம்

நாரஹேன்பிட்டி லங்கா தனியார் வைத்தியசாலையில் சிகிச்சைப் பெற்று வரும் முன்னாள் அமைச்சர் ராஜித, சிறைச்சாலை வைத்தியசாலைக்கு இதுவரை அழைத்துச் செல்லப்படவில்லை எனத் தெரிவிக்கப்பட்டுள்ளது.

சுமார் 5 மணித்தியாலங்கள் வைத்தியசாலையில் காத்திருந்த சிறைச்சாலை அதிகாரிகள் ராஜிதவை அழைத்து செல்லாமலேயே சிறைச்சாலைக்கு திரும்பியுள்ளனர்.

முன்னாள் அமைச்சர் ராஜிதவின் வைத்தியரால், அவரை வைததியசாலையிலிருந்து வெளியேற்றுவதற்கு எதிர்ப்பு முன்வைக்கப்படுவதாலேயே ராஜிதவை சிறைச்சாலைக்கு அழைத்து வருவதில் தாமதம் ஏற்பட்டுள்ளதென சிறைச்சா​லைகள் ஆணையாளர் பந்துல ஜயசிங்க  தெரிவித்துள்ளார்.