விபத்தில் 12 பேர் காயம்

ஜூட் சமந்த

சிலாபம்- புத்தளம் வீதியின் பங்கதெனிய சந்தியில் இடம்பெற்ற வாகன விபத்தில் 12 பேர் காயமடைந்துள்ளனர்.

இன்று அதிகாலை 12.35 மணியளவில் இந்த விபத்து இடம்பெற்றுள்ளது.

வவுனியா டிப்போவுக்குச் சொந்தமான பஸ் வண்டியொன்றும் தனியார் பஸ் வண்டியொன்றுமே இவ்வாறு மோதி விபத்துக்குள்ளாகியுள்ளன.

​கொழும்பிலிருந்து வவுனியா நோக்கிச் சென்றுக்கொண்டிருந்த இலங்கை போக்குவரத்து சபைக்குச் சொந்தமான  பஸ்  பங்கதெனிய பகுதியில் பயணிகளை ஏற்றிக்கொண்டிருந்த போது, கொழும்பிலிருந்து மன்னார் நோக்கி பயணித்த தனியார் பஸ் , இ.போ.ச பஸ் மீது மோதி விபத்துக்குள்ளாகியுள்ளது.

இதனையடுத்து காயமடைந்தவர்கள் சிலாபம் வைத்தியசாலையில் அனுமதிக்கப்பட்டுள்ளதுடன், தனியார் பஸ்ஸின் சாரதி சிலாபம் பொலிஸாரால் கைது​செய்யப்பட்டுள்ளார்.