வீதி விபத்துகளால் நாளொன்றுக்கு 8 பேர் உயிரிழக்கின்றனர்

வீதி விபத்துகளால் நாளொன்றுக்கு 8 பேர் உயிரிழப்பதாக, சுகாதார அமைச்சு தெரிவித்துள்ளதுடன், கடந்தாண்டு மாத்திரம் சுமார் 3153 ​பேர் வீதி விபத்துகளால் உயிரிழந்துள்ளார்களெனவும் தெரிவித்துள்ளது.

விபத்துகளால் ஏற்படும் உயிரிழப்புகளின் எண்ணிக்கை ஒவ்வொரு வருடமும் அதிகரித்துச் செல்வதால், வீதி விபத்துகளை குறைப்பது தொடர்பான வேலைத்திட்டமொன்று முன்னெடுப்பது அவசியம் என்றும் அமைச்சு தெரிவித்துள்ளது.

இதேவேளை வீதி விபத்துகளால்  உயிரிழப்பவர்கள் 15 – 44 வயதுக்கு இடைப்பட்டவர்களென்று தெரிவித்துள்ள சுகாதார அமைச்சு, அதிகவேகம், மது போதையில் வாகனத்தைச் ​செலுத்துதல், ​வீதி சட்டதிட்டங்களை கடைப்பிடிக்காமை, அலைபேசியில் உரையாடியாவாறே வாகனத்தைச் செலுத்துதல் போன்ற காரணங்களே வீதி விபத்துக்கான முக்கிய காரணமென்றும் அமைச்சு மேலும் தெரிவித்துள்ளது.