வீதிகளிலுள்ள விளம்பரப் பலகைகளை அகற்றுமாறு ஆளுநர் பணிப்பு

வாகனம் செலுத்துவோருக்கு இடையூறு விளைவிக்கும் வகையில், வீதிகளில் காட்சிப்படுத்தப்பட்டுள்ள டிஜிட்டல் விளம்பரப்படுத்தல் பலகைகளை உடனடியாக அகற்றுமாறு, மேல் மாகாண ஆளுநர் எஸ். அசாத்  சாலி  கொழும்பு மாநகர சபைக்கு அறிவுறுத்தல் வழங்கினார். 

விளம்பரப்பலகைகள் வாகனம் செலுத்துவோருக்கு  இடையூறு விளைவிப்பதாகவும், வீதி விபத்துக்கள் ஏற்படுவதற்கும் காரணமாக இருப்பதாகவும் அவர் குறிப்பிட்டார்.

கொழும்பு மாநகர சபை  ஆணையாளர் வீ. ஏ. கே. அனுர மற்றும் விளம்பரப்படுத்தல் திணைக்களத்தின் உறுப்பினர்களை தனது அலுவலகத்தில் சந்தித்த போதே  மேற்கண்டவாறு குறிப்பிட்டார். 

அத்துடன், மின்கம்பங்களில் விளம்பரங்களை காட்சிப்படுத்துவது முற்றிலும் தவிர்க்கப்பட வேண்டியதொன்றாகுமென அவர் கூறினார்.