வெளிநாட்டுப் பெண்ணுக்கு பாலியல் வன்கொடுமை: உள்நாட்டு ஆணுக்கு வலை

அறுகம்பே பகுதியில் வெளிநாட்டுப் பெண் ஒருவர் பாலியல் ஒக்டோபர் 25 ஆம் திகதி அன்று வன்கொடுமைக்கு ஆளானதாகக் கூறப்படும் சம்பவத்தில் தொடர்புடைய சந்தேக நபரைக் கண்டுபிடிக்க உதவுமாறு பொத்துவில் பொலிஸார் பொதுமக்களிடம் வேண்டுகோள் விடுத்துள்ளது.

இந்தச் சம்பவம் குறித்து பொலிஸ், விசாரணையைத் தொடங்கியுள்ளது. மேலும், தகவல் தெரிந்தவர்கள் பொத்துவில் பொலிஸ் நிலையத்தை 063 2248022 என்ற எண்ணில் தொடர்பு கொள்ளுமாறும் அல்லது பொத்துவில் பொலிஸ் நிலையப் பொறுப்பதிகாரியை 071 8591168 என்ற எண்ணில் தொடர்பு கொள்ளுமாறும் பொலிஸ் ஊடகப்பிரிவு கேட்டுக் கொண்டுள்ளது.

வெளிநாட்டு பெண் சுற்றுலாப் பயணி ஒருவர் இலங்கையர் ஒருவரால் பாலியல் ரீதியாக துன்புறுத்தப்படுவதைக் காட்டும் வீடியோ சமூக ஊடகங்களில் வைரலானதைத் தொடர்ந்து விசாரணை தொடங்கப்பட்டுள்ளது.

டுக்-டுக் வாகனத்தை ஓட்டி வந்த சுற்றுலாப் பயணி, வாகனத்தை நிறுத்திய பிறகு அந்த நபரை சந்தித்ததாகக் கூறப்படுகிறது. வீடியோவில், அந்த நபர் தனது பிறப்புறுப்புகளை வெளிப்படுத்தி பாலியல் ரீதியாக துன்புறுத்த முயற்சிப்பதைக் காணலாம்.

இந்த சம்பவம் குறித்து சுற்றுலாப் பயணி பயத்தையும் அதிர்ச்சியையும் வெளிப்படுத்துவதாகக் கூறப்படுகிறது.

அவர் தனது பயணங்களின் போது தனது சுற்றுப்புறங்களை பதிவு செய்து, சம்பவத்தை கேமராவில் பதிவு செய்திருந்தார்.

"இலங்கை அன்பான மனிதர்களைக் கொண்ட ஒரு அழகான இடம், பின்னர் இது போன்ற ஏதாவது நடந்தால், இப்போது என் பயணத்தின் எஞ்சிய பகுதி முழுவதும் நான் பதட்டமாக இருப்பேன்," என்று அவர் கூறினார்.