ஷானியின் பிணைமனு நிராகரிப்பு

குற்ற விசாரணை திணைக்களத்தின் முன்னாள் பணிப்பாளர் ஷானி அபேசேகரவின் பிணை மனு இன்று (9) நிராகரிக்கப்பட்டுள்ளது.

கம்பஹா இலக்கம் 1 மேல்நீதிமன்ற நீதிபதி; நிமல் ரணவீரவால் இந்த பிணை மனு நிராகரிக்கப்பட்டுள்ளது.

போலி சாட்சிகளை உருவாக்கி, நீதிமன்றத்தை தவறாக வழிநடத்திய குற்றசாட்டுகளின் கீழ் தடுத்து வைக்கப்பட்டுள்ள ஷானி அபேசேகரவுக்கு பிணை வழங்குமாறு கோரி, ஜனாதிபதி சட்டத்தரணி வசந்த நவரத்ன பண்டார மேல் நீதிமன்றில் தாக்கல் செய்த பிணை மனு நிராகரிக்கப்பட்டுள்ளது.

சட்டமா அதிபர் திணைக்களம் சார்பாக பிரதி சொலிஸிட்டர் நாயகம் ஜெனரல் ஷனில் குலரத்னவால்  குறித்த பிணை மனுவுக்கு எதிர்ப்பு முன்வைக்கப்பட்டதுடன்,இருதரப்பு காரணங்களையும் கவனத்தில் எடுத்த மேல்நீதிமன்ற நீதிபதி  பிணை மனுவை நிராகரித்துள்ளார்.