கடலரிப்பில் பாதிக்கப்பட்டுள்ள மூதூர் கரையோர கிராமங்கள்

(முறாசில்)

மூதூர் கரையோரக் கிராமங்கள் தீவிர கடலரிப்புக்கு உட்பட்டு வருகிறன. கரையோரக் கிராமங்களான ஹபீப் நகர், தக்வா நகர், பஹ்ரியா நகர், மற்றும் நாவலடி முதலான கிராமங்களிலேயே தீவிர கடலரிப்பு ஏற்பட்டுள்ளது.

இக்கிராமங்களில் கடந்த 6 வருடங்களில் 10 மீற்றருக்கும் அதிகமான நிலப்பகுதி கடலரிப்பால் காவு கொள்ளப்பட்டுள்ளன.

இக்கிராமங்களில் விரைவாக ஏற்பட்டுவரும் கடலரிப்பை தடுக்காத பட்சத்தில் இன்னும் 50 வருடங்களில் இவ்வழகிய கிராமங்கள் முற்றாக அழிக்கப்பட்டுவிடும் என்று அஞ்சப்படுகிறது.

மூதூர்க் கரையோரக் கிராமங்களில் ஆயிரத்திற்கதிகமான குடியிருப்புக்கள் இருப்பது குறிப்பிடத்தக்கது.