கிழக்கு மாகாணத்துக்கு புதிய பிரதி பொலிஸ் மா அதிபர்

(அமதோரு அமரஜீவ)

கிழக்கு மாகாணத்துக்கான புதிய பிரதி பொலிஸ் மா அதிபராக சிரேஷ்ட பிரதி பொலிஸ் மா அதிபர் ஜகத் அபேசிறி நியமிக்கப்பட்டுள்ளார். கிழக்கு மாகாணத்தில் நிலவும் மர்ம மனிதர்கள் தொடர்பான அசாதாரண சூழ்நிலையை அடுத்து, பொலிஸ் மா அதிபர் என்.கே.இலங்ககோனினால் இந்த நியமனம் வழங்கப்பட்டுள்ளதாக தெரிவிக்கப்படுகின்றது.

இதேவேளை, மர்ம மனிதர்கள் தொடர்பில் கிழக்கு மாகாண மக்களை தெளிவுபடுத்தி அங்கு அமைதியான சூழ்நிலையை உருவாக்கும் பொறுப்பு சிரேஷ்ட பிரதி பொலிஸ் மா அதிபர் பூஜித ஜயசுந்தரவிடம் கையளிக்கப்பட்டுள்ளது.

இந்நிலையில், சிரேஷ்ட பிரதி பொலிஸ் மா அதிபர் பூஜித ஜயசுந்தர தலைமையில், மட்டக்களப்பு, வாகரை பிரதேசத்தில் மர்ம மனிதர்கள் தொடர்பான தெளிவூட்டல் நடவடிக்கைகள் இன்று வியாழக்கிழமை ஆரம்பிக்கப்பட்டுள்ளன.