மூதூர் புனித அந்தோனியார் மகா வித்தியாலயத்தில் அறிவியல் கண்காட்சி

(முறாசில்)

மூதூர் புனித அந்தோனியார் மகா வித்தியாலயமும் மூதூர் 'தடயம்' நூதனசாலையும்; இணைந்து ஏற்பாடு செய்த அறிவியல் கண்காட்சி இன்று புதன்கிழமை ஆரம்பிக்கப்பட்டது.

புனித அந்தோனியார் மகா வித்தியாலய வளாகத்தில் ஒழுங்கு செய்யப்பட்ட இக்கண்காட்சியின் ஆரம்ப நிகழ்வில் மூதூர் வலயக் கல்விப் பணிமனையின் பிரதிக்கல்விப் பணிப்பாளர் என்.விஜேந்திரன்(நிருவாகம்), பிரதிக் கல்விப் பணிப்பாளர் எம்.எம்.ஜவாத் (கல்வி அபிவிருத்தி மற்றும் திட்டமிடல்) பிரதிக் கல்விப் பணிப்பாளர் எஸ்.லோகராஜா (முகாமைத்துவம்) உட்பட பலர் கலந்து கொண்டனர்.

இக்கண்காட்சியில் 1658ஆம் ஆண்டு 'ஆன்' என்னும் பாய்மரக் கப்பல் மூலம் கடல் பயணத்தை மேற்கொண்ட  பிருத்தானியாவைச் சேர்ந்த ரொபட் நொக்ஸ் என்பவர் சடுதியாக மூதூரை வந்தடைந்ததை நினைவு கூரும் வகையில் அமைக்கப்பட்டிருந்த பாய்மரக்கப்பலையும் அதனுள் எழுதப்பட்டிருந்த வரலாற்றையும் பார்ப்பதற்கு அதிகமானோர் ஆர்வம் காட்டினர்.