கிழக்கில் எந்த பிரதேசத்திலும் அரசாங்கத்தின் மீது திருப்திகரமான நிலை இல்லை: அமைச்சர் ஹக்கீம்

Kogilavani / 2012 ஜூன் 16 , மு.ப. 09:35 - 0 - {{hitsCtrl.values.hits}}

(எம்.பரீட்)
'கிழக்கு மாகாணத்திற்கு கடந்த ஓரிரு மாதங்களாக பல பிரதேசங்களுக்கு அடிக்கடி போய் வந்த கொண்டிருக்கின்றேன். கிழக்கில் எந்த முஸ்லிம் பிரதேசங்களிலும் அரசாங்கத்திற்கு திருப்திகரமான நிலையில் இல்லை. அரசாங்கத்தின்மீது திருப்திகரமாக இருப்பதாக யாரும் சொல்வர்களானால் அது மகா புளுகாகவே இருக்கும். இதனை நான் சொல்லித் தெரிந்து கொள்ளத் தேவையில்லை. எல்லோருடைய மனச் சாட்சியைத் தொட்டுத் தெரிந்து கொள்ள முடியும்' என ஸ்ரீ லங்கா முஸ்லிம் காங்கிரஸின் தேசியத் தலைவரும், நீதி அமைச்சருமான ரவூப் ஹக்கீம் தெரிவித்தார்.

கிழக்கு மாகாண சபை தொடர்பான விளக்க கூட்டமொன்று திருகோணமலை மாவட்ட நாடாளுமன்ற உறுப்பினர் எம்.எஸ்.தௌபீக் தலைமையில் கிண்ணியா பிரதேசத்தில் வியாழக்கிழமை இரவு இடம்பெற்றது.

இந்நிகழ்வில் அம்பாறை மாவட்ட நாடாளுமன்ற உறுப்பினர் எச்.எம்.ஹரீஸ், கிண்ணியா, மற்றும் தம்பலகாமம், கந்தளாய், மூதூர், சேருவல பிரதேச உள்ளூராட்சிமன்ற தவிசாளர், மற்றும் உறுப்பினர்கள் பலர் கலந்து கொண்டனர்.

இந்நிகழ்வில் அமைச்சர் தொடர்ந்தும் உரையாற்றுகையில்,

'இன்றைய நிலையில் முஸ்லிம் காங்கிரஸ் என்ற இயக்கத்தின் அடுத்த கட்ட நடவடிக்கை எது என்பதை அறிந்து கொள்ளவே எல்லோரின் பார்வையும் உள்ளது.

இதனை அடிக்கடி பத்திரிகையெல்லாம் ஒவ்வொரு விதமாக எழுதிக் கொண்டிக்கின்றார்கள், கார்ட்டூன் போடுகின்றார்கள் நான் ஏதோ பெரிய கேக் துண்டைப் பறிப்பதற்கு பார்த்துக் கொண்டிருப்பதாக படங்கள் வரைகின்றார்கள்.

பிரிந்த கிழக்கு மாகாணத்தில் இந்த அரசாங்கத்திலும், எதிர்க்கட்சியின் பக்கம் இருந்து திருகோணமலை மாவட்டத்தில் போராடி வென்று காட்டினோம்.

அரைவாசி காலம் எதிர்க்கட்சியிலும் அரைவாசி காலத்தினை ஆளும் கட்சியிலும் அரசாங்கத்தின் பக்கம் இருந்து அமைச்சராக பதவிகளை வகித்து வந்திருக்கின்றோம். அமைச்சர் பதவிகளை எறிந்து விட்டு வருவதற்கு தயங்கவில்லை.

இன்றைய தேர்தலில் ஐ.தே.கவை பற்றி பேசுவதற்கில்லை, மூன்று பிரதான கட்சிகள் இருக்கின்றன. ஐக்கிய மக்கள் சுதந்திரக் கூட்டமைப்பு அதற்குள் உள்ளிருக்கும் உதிரிக்கட்சிகள், மற்றது தமிழ் தேசிய கூட்டமைப்பு மற்றது ஸ்ரீலங்கா முஸ்லிம் காங்கிரஸ் என அரசியல் ஆய்வாளர்கள் தெரிவிக்கின்றனர்.

இதில் அடித்துப் போட்டாலும் தமிழ் தேசியக் கூட்டமைப்பு அரசாங்கத்துடன் கூட்டுச் சேரப் போவதில்லை.

இந்த மூன்று கட்சிகளில் இரண்டு கட்சி கூட்டுச் சேர்ந்தால் நிச்சயம் வெற்றி கிடைக்கும். இதில் யார் சேர்ந்தாலும் சரி இதனோடு ஐக்கிய தேசியக் கட்சியையும் இணைத்துக் கொண்டால் போனஸ் ஆசனத்தையும் பெற்றுக் கொள்ளமுடியும். இதுதான் அரசியல்.

இன்று கிழக்கு மாகாண சபையை கலைக்கக் கூடாது என்று கிழக்கு முதலமைச்சர் வழக்கு போடவுள்ளார். இதில் முஸ்லிம் காங்கிரஸையும் இணைந்து கொள்ளுமாறு அவர் கேட்டுக் கொண்டிருக்கின்றார்

கிழக்கு மாகாண சபைக் கலைக்கப்பட்டு வேட்புமனு தாக்கலுக்கு காலமுள்ளது. அந்ந சந்தர்ப்பத்தில் நாம் இது பற்றி பேசிக் கொள்வோம்' எனறார்.

Comments - 0

aj Saturday, 16 June 2012 11:40 AM

முஸ்லிம் அரசியல்வாதிகளில் அறிவு பூர்வமான ராஜதந்திர நபர் திரு.ஹிக்கீம் மட்டுமே. எப்படி திரு.சம்பந்தன் மிக சிறந்த ராஜதந்திரி என்று உலகம் சொல்லுகிறதோ அதே போலவே திரு ஹிக்கீம் அவர்கள்.

என்னுடைய எதிர்பார்ப்பு எல்லமே தமிழ் கூட்டமைப்பு மற்றும் முஸ்லிம் காங்கிரஸ் இரண்டும் சேர்ந்து தேர்தலில் இறங்குவது . கருணா அல்லது பிள்ளையானுக்சம்பந்தன் 98% தமிழர்கள் வாக்கு போடமாட்டார்கள் என்பது தெளிவு . ஆகா ஒரே தெரிவு ஹிக்கீம் எங்கள் சம்மந்தன் ஐயா இணைவு. முதலைமச்சர பதவி இருக்கும் காலத்தில் தமிழர் அரைவாசி காலம் முஸ்லிம் அரைவாசி காலம் . இது தான் மிக சரியான தெரிவு.

Reply : 0 0

Kanavaan Saturday, 16 June 2012 12:33 PM

ஹக்கீம் ஐயா,
கிழக்கில் முஸ்லிம்கள் அரசாங்கத்துடன் இல்லை என்ற விடயம். பா. உறுப்பினர் எச்.எம். எம். ஹரீஸுக்குத் தெரியுமோ. என்னவோ கேட்டுத்தான் பாருங்களேன்.

Reply : 0 0

meenavan Saturday, 16 June 2012 12:42 PM

அரசாங்கத்தின் மீது மக்களுக்கு திருப்தி இல்லை உண்மை. ஆனால் உங்களுக்கு அடிக்கடி வெளி நாட்டு சுற்றுலா கிடைப்பதனால் திருப்தியாக தானே உள்ளீர்கள்? மாகாண சபை கலைப்பு தொடரும் தேர்தல் வாக்குக்காக இப்பகுதிகளுக்கு உங்களை வரவைக்கிறது, எதுவாக இருந்தாலும் தேர்தல் கூட்டு அரசுடன் தானே......? தனித்து தேர்தலில் (அரிது) போட்டியிட்டாலும் ஆட்சியமைப்பில் அரசுடன் இணைந்து அட்ச்சய பாத்திரத்தை நிரப்ப....வழி உண்டு என்று சொன்னால் மறுக்கமாட்டீர்களே?

Reply : 0 0

nowfar Saturday, 16 June 2012 05:28 PM

ரவூப் ஹக்கீம் விளையாடுகிறார்

Reply : 0 0

nallavan Sunday, 17 June 2012 01:50 AM

ஹல்லொ மீனவன், விரும்பியோ விரும்பாமலோ கிழக்கு மாகாண அரசியலில் இப்போதைக்கு இருக்கிற ஒரே தெரிவு முஸ்லிம் காங்ரஸ்தான் என்பது உங்களுக்கு தெரியாதது வெட்கக் கேடு. எந்த அரசியல்வாதி வெளிநாட்டு சுற்றுலா செல்லாமல் இருக்கிரார்? அது அரசியலில் சகஜம். இன்னும் சிறு பிள்ளைத் தனமாகவே இருக்குறீங்க. மலையை விட்டு விட்டு ........ பிடிக்குற கதைதான் உங்கட. இனியாவது புத்தியாக நடங்க.

Reply : 0 0

jasy Sunday, 17 June 2012 05:32 AM

தலைவரே நீங்க நல்லவரா? கெட்டவரா?

Reply : 0 0

mohamed Sunday, 17 June 2012 06:08 AM

தேர்தல் காலம் வந்தால் உங்கல் அரசியல் விளையாட்டு தொடங்கி விடும்

Reply : 0 0

AHAMED JUNAID Sunday, 17 June 2012 07:46 AM

அமைச்சர் அவர்களே... நீங்கள் பேசும் பேச்சுக்களை ஒருபோதும் வேறு இடங்களில் வேறு விதமாக பேசிவிட மாட்டீர்கள்தானே?

Reply : 0 0

Ihjas Sunday, 17 June 2012 11:17 AM

கட்சித் தலைவரே எலக்சன் வந்தாத்தான் நீங்க மக்களிடம் வருவிங்களோ...?

Reply : 0 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .