பாம்புக் கடிக்குள்ளான பெண் வைத்தியசாலையில்

-ஏ.எச்.ஏ.ஹுஸைன்

வீட்டுக்கு  வீதியால் நடந்துசென்றுகொண்டிருந்தபோது, பாம்புக் கடிக்கு உள்ளான செல்வரெட்ணம் தமிழ்ப்பிரதி (வயது 25) என்ற  பெண் மயக்கமடைந்த நிலையில் திருகோணமலை வைத்தியசாலையில்;  அனுமதிக்கப்பட்டுள்ளதாக  வைத்தியசாலைத் தகவல்கள்  தெரிவித்தன.

வெருகல் பிரதேச செயலாளர் பிரிவிலுள்ள ஈச்சிலம்பற்று பிரதேசத்தில் நேற்று  செவ்வாய்க்கிழமை  மாலை  இந்தப் பெண் பாம்புக் கடிக்கு உள்ளாகியுள்ளார்.

உடனடியாக வெருகல் பிரதேச வைத்தியசாலைக்கு கொண்டுசெல்லப்பட்ட இந்தப் பெண், அங்கிருந்து அம்பியூலன்ஸ் வண்டி மூலமாக  திருகோணமலை வைத்தியசாலைக்கு மாற்றப்பட்டார்.

தற்சமயம் இவரின் உடல் நிலை தேறியுள்ளதாகவும் ஆபத்தை கடந்துள்ளதாகவும் வைத்தியசாலைத் தகவல்கள் தெரிவித்தன.