மூதூர் வைத்தியசாலையின் குறைகளை நிறைவேற்றக் கோரி பிரேரணை

-ரீ.கே.றஹ்மத்துல்லா

மூதூர் தள வைத்தியசாலையில் நீண்டகாலமாகவுள்ள ஆளணி மற்றும் வளப்பற்றாக்குறைகளை நிவர்த்தி செய்யுமாறு கோரி, எதிர்வரும் 16 அல்லது 17ஆம் திகதியில்  கிழக்கு மாகாணசபையில் தனிநபர் பிரேரணையொன்றை  முன்வைக்கவுள்ளதாக கிழக்கு மாகாணசபை உறுப்பினர் எம்.எஸ்.உதுமாலெப்பை இன்று வெள்ளிக்கிழமை  தெரிவித்தார்.

இந்த வைத்தியசாலையிலுள்ள குறைபாடுகளையும் பிரச்சினைகளையம் தீர்த்துவைக்குமாறு கோரி  பல ஆர்ப்பாட்டங்கள் நடைபெற்றன.  இந்த வைத்தியசாலையின் குறைபாடுகளை மத்திய, மாகாண அரசாங்கங்கள் ஒன்றிணைந்து அவசர நடவடிக்கைகளை மேற்கொள்ளும் வகையில் கிழக்கு மாகாணசபை நடவடிக்கை எடுக்கவேண்டும் என்றும் அவர் கூறினார்.