வெருகல் பிரதேசத்தில் காணி அமைச்சின் நடமாடும் சேவை

-ஏ.எச்.ஏ.ஹூஸைன் 

காணி அமைச்சின் நடமாடும் சேவை, வெருகல் பிரதேச செயலாளர் பிரிவில் நாளை வெள்ளிக்கிழமை (19) இடம்பெறவுள்ளதாக பிரதேச செயலாளர் எம்.தயாபரன் தெரிவித்தார்.

நாளைக் காலை 09 மணிக்குத் தொடங்கும் இந்த நடமாடும் சேவையில் பிரதேசப் பொதுமக்கள் தங்கள் காணி சம்பந்தப்பட்ட சகல அலுவல்களையும் நிறைவேற்றிக்கொள்ள முடியும் என்றும் பிரதேச செயலாளர் மேலும் தெரிவித்தார்.

இந்த நடமாடும் சேவையில் காணி அமைச்சின் அதிகாரிகளும் மாகாண காணி ஆணையாளர் திணைக்களத்தின் அதிகாரிகளும் பிரதேச செயலக அதிகாரிகளும் சேவையாற்றவுள்ளனர்.