அனைவரும் உறுதியுடன் இருக்க வேண்டும்: மஹ்ரூப்

-எப்.முபாரக்     

நாட்டில் நல்லாட்சியை ஏற்படுத்த அனைவரும் உறுதியுடன் இருக்க வேண்டும் என ஐக்கிய தேசியக் கட்சியின் திருகோணமலை மாவட்ட தவிசாளரும் மூதூர் தொகுதியின் பிரதான அபைப்பாளரும் வேட்பாளருமான எம்.ஏ.எம்.மஹ்ரூப், நேற்று சனிக்கிழமை (25) தெரிவித்தார்.      
                                  
கந்தளாயில் நேற்று நடைபெற்ற ஐக்கிய தேசியக் கட்சி வேட்பாளர்களின் கூட்டத்தில் கலந்துகொண்டு கூரையாற்றும் போதே அவர் இதனைத் தெரிவித்தார்.    
                 
அவர் தொடர்ந்தும் உரையாற்றுகையில்,

ஜனவரி 8ஆம் திகதி மக்கள் எவ்வாறு தீர்க்கமான முடிவொன்றை எடுத்தார்களோ அதேபோன்று இம்முறை நடைபெறவுள்ள பொதுத்தேர்தலிலும் கூடுதலான ஆசனங்களை கைப்பற்றி ஐக்கிய தேசியக் கட்சி ஆட்சி அமைப்பதற்கு முழு ஒத்துழைப்பையும் வழங்க வேண்டும்.     
                                    
தற்போது மக்கள் நிம்மதியாக வாழ்ந்து கொண்டிருக்கின்றார்கள். இதனை ஏற்படுத்தியது ஐக்கிய தேசியக் கட்சி அரசாங்கமே ஆகும். ஜனாதிபதித் தேர்தலில் மஹிந்த வெற்றி பெற்றிருந்தால் மியன்மார் நாட்டில் முஸ்லிம்களுக்கு நேர்ந்த நிலையை போன்றுதான் இலங்கையிலுள்ள முஸ்லிம்களுக்கும் ஏற்பட்டிருக்கும் என்றார்.