இரு கடைகளில் திருட்டு

-ஏ.எஸ்.எம்.யாசீம்

திருகோணமலை, தம்பலகாமம் 96ஆம் கட்டைப் பகுதியில் அமைந்துள்ள இரண்டு பலசரக்குக் கடைகள் உடைக்கப்பட்டு பொருட்கள் திருடப்பட்டுள்ளதாக தம்மிடம் அக்கடை உரிமையாளர்கள் நேற்று புதன்கிழமை காலை முறைப்பாடு செய்ததாக தம்பலகாமம் பொலிஸார் தெரிவித்தனர்.

இந்தக் கடைகளை செவ்வாய்க்கிழமை (11) இரவு பூட்டிவிட்டுச் சென்றதாகவும் கடைகளை திறப்பதற்காக நேற்று புதன்கிழமை காலை வந்தபோது, இரண்டு கடைகளும் உடைக்கப்பட்டு காணப்பட்டதாகவும் தெரிவிக்கப்பட்டுள்ளது.

இந்த திருட்டுச் சம்பவம் தொடர்பில் தம்பலகாமம் பொலிஸார் விசாரணைகளை முன்னெடுத்து வருகின்றனர்