ஆடுகளை திருடிய இளைஞனுக்கு விளக்கமறியல்

கந்தளாய் பகுதியில் ஆடுகள் மூன்றைத் திருடி விற்பனை செய்த அதேபகுதியைச் சேர்ந்த 25 வயதுடைய இளைஞனை, இம்மாதம் 26ஆம் திகதி வரை விளக்கமறியலில் வைக்குமாறு, கந்தளாய் நீதிவான் துசித்த தம்மிக்க உத்தரவிட்டார்.

குறித்த சந்தேகநபர், அக்போபுர பகுதியில் உள்ள ஆட்டுத் தொழுவத்திலிருந்து ஆடுகளைத் திருடி விற்பனை செய்துள்ளதாக, ஆட்டு உரிமையாளர், பொலிஸ் நிலையத்தில் மேற்கொண்ட முறைப்பாட்டுக்கமைய ஞாயிற்றுக்கிழமை (17) கைதுசெய்ப்பட்டாரென பொலிஸார் தெரிவித்தனர்.

சம்பவம் தொடர்பான மேலதிக விசாரணைகளை கந்தளாய் பொலிஸார் மேற்கொண்டு வருகின்றனர்.