கிழக்கு மாகாண தொண்டர் ஆசிரியர்கள் ஆர்ப்பாட்டம்

-பதுர்தீன் சியானா, எப்.முபாரக்

தங்களுக்கு நிரந்தர நியமனம் பெற்றுத் தருமாறு கோரி கிழக்கு மாகாணத்தைச் சேர்ந்த 200க்கும் மேற்பட்ட  தொண்டர் ஆசிரியர்கள் இன்று செவ்வாய்க்கிழமை காலை கிழக்கு மாகாண சபைக்கு முன்பாக கவனயீர்ப்புப் போராட்டத்தில் ஈடுபட்டனர்.

கிழக்கு மாகாணத்தில் யுத்தம், சுனாமி, வெள்ளப்பெருக்கு உள்ளிட்ட  அனர்த்தங்கள் நிலவிய காலப்பகுதியில் எதுவித வேதனமும் இன்றிக் கடமையாற்றியதுடன், ஆசிரியர் பற்றாக்குறை நிலவிய அரசாங்கப் பாடசாலைகளில் சுமார் 15 முதல் 20 வருடங்கள் கடமையாற்றிய தமக்கு இதுவரை காலமும் நிரந்த நியமனம் வழங்கப்படவில்லையென கிழக்கு மாகானா தொண்டர் ஆசிரியர் சம்மேளனத் தலைவர் ஆர்.ஜெயமோகன் தெரிவித்தார்.

மேலும், கடந்த 09 மாதங்களாக கிழக்கு மாகாண சபையும் முதலமைச்சரும் தங்களை ஏமாற்றி வந்ததாகவும் அவர் சுட்டிக்காட்டினார்.