கிண்ணியாவில் திருட்டுகள் அதிகரிப்பு

கிண்ணியா பிரதேசத்தில் அண்மைக்காலமாக திருட்டுச் சம்பவங்கள் அதிகரித்துக் காணப்படுவதாகவும் இது குறித்து அனைவரும் விழிப்பாக இருந்து, தமது உடைமைகளைப் பாதுகாத்துக் கொள்ளுமாறும், கிண்ணியா ஷூரா சபை கோரிக்கை விடுத்துள்ளது.

இந்த விடயம் தொடர்பாக பாதுகாப்புத் தரப்பினரோடு கிண்ணியா ஷூரா சபை தொடர்புகளை மேற்கொண்டு, உரிய பாதுகாப்பு நடவடிக்கைகளை மேற்கொள்ளுமாறும் இரவு நேரக் காவல் கடமைகளை அதிகரிக்குமாறும் கேட்டுக்கொண்டுள்ளனர்.

அதேவேளை, பள்ளிவாசல் நிர்வாகங்களும் பிரதேச இளைஞர்களும் இது தொடர்பாக அக்கறையோடு செயல்படுமாறும்  ஷூரா சபையினர் கேட்டுக்கொண்டுள்ளனர்.