சட்டவிரோதமாக மாடுகளை கொண்டுசென்ற இருவர் விளக்கமறியலில்

-எப்.முபாரக்

அனுமதிப்பத்திரமின்றி மூன்று மாடுகளை ஏற்றிச்சென்ற இருவரை எதிர்வரும் 17ஆம் திகதி வரை விளக்கமறியலில் வைக்குமாறு கந்தளாய் நீதிமன்ற நீதிவான் ருவன் திஸாநாயக்க ஞாயிற்றுக்கிழமை (13)உத்தரவிட்டுள்ளார்.                    

குறித்த இருவரும் சனிக்கிழமை(12) இரவு வான்எல பகுதியிலிருந்து கந்தளாயிக்கு மூன்று மாடுகளை அனுமதிப்பத்திரமின்றி கொண்டு சென்ற போதே இருபதாம் கட்டைப்பகுதியில் வைத்து பொலிஸாரால் கைதுசெய்யப்பட்டனர்.

கைது செய்யப்பட்ட இருவரையும்  கந்தளாய் நீதிமன்ற நீதிவான் ருவன் திஸாநாயக்க முன்னிலையில் ஆஜர்படுத்தியபோதே இவ்வாறு உத்தரவு பிறப்பிக்கப்பட்டது.