சட்டவிரோத மணல் அகழ்வு; மூவர் கைது

மூதூர், வெள்ளை நாவல் காட்டுப் பகுதியில், சட்டவிரோத மணல் அகழ்வில் ஈடுபட்ட மூவர், 3 டிப்பர்களுடன், பொலிஸாரால் நேற்றிரவு கைதுசெய்யப்பட்டுள்ளனர்.

இதில் சாரதிகள் இருவர், திருகோணமலை பிராந்தி பொலிஸாராலும்  சாரதி ஒருவரையும் மூதூர் பொலிஸாராலும் கைதுசெய்யப்பட்டுள்ளனர்.

திருகோணமலை பிராந்திய பொலிஸாரும் மூதூர் பொலிஸாரும் இணைந்து இந்தச் சுற்றி வளைப்பை மேற்கொண்டனர்.

கைப்பற்றப்பட்ட டிப்பர்கள், மூதூர் பொலிஸில் வைக்கப்பட்டுள்ளன.

அதேவேளை, கைதுசெய்யப்பட்ட சாரதிகளை, மூதூர் நீதிவான் நீதிமன்றத்தில் ஆஜர்படுத்துவதற்கான ஏற்பாடுகளை மூதூர் பொலிஸார் மேற்கொண்டு வருகின்றனர்.