திருட்டுக் குற்றச்சாட்டு; சிறுவர்கள் இருவர் கைது

திருகோணமலை, 5ஆம் கட்டைப் பகுதியில், கடையொன்றை உடைத்து, அங்கிருந்த பணம்,  பொருட்களைத் திருடிய குற்றச்சாட்டில், 14, 16 வயதுச் சிறுவர்கள் இருவர், இன்று (27) கைதுசெய்துள்ளனரெனப் பொலிஸார் தெரிவித்தனர்.

கடை உரிமையாளர் வழங்கிய முறைப்பாட்டுக்கமையக் கைதுசெய்யப்பட்ட இச்சிறார்களிடம் மேற்கொள்ளப்பட்ட விசாரணையில், திருடி மறைத்து வைக்கப்பட்டிருந்த மூன்று சைக்கிள்களைக் கைப்பற்றியுள்ளதாகவும் பொலிஸார் தெரிவித்தனர்.

இதேவேளை, வழிபாட்டுத் தலமொன்றில் வைக்கப்பட்டிருந்த உண்டியலை உடைத்துப் பணம் திருடியுள்ளமையும் விசாரணையில் தெரியவந்துள்ளதாகவும் பொலிஸார் மேலும் தெரிவித்தனர்.